Kulibali: "Bu yangilik haqiqatga o'xshaydi"

Senegallik himoyachi Kalidu Kulibali "Napoli"ni tark etishi haqidagi mish-mishlarga munosabat bildirdi. Manbaga ko'ra, futbolchining yangi ish joyi Londonning "Chelsi" jamoasi bo'ladi.

"Men hozircha hech narsani aniqlay olmayman, ammo bu yangilik haqiqatga o'xshaydi", - dedi futbolchi Daily Mail bilan suhbatda.

Avvalroq matbuotda “ko'klar” himoyachining transferi borasida kelishib olgani haqida xabarlar tarqalgan edi. Bitim summasi taxminan 38 million evroni tashkil qiladi. Kulibali bilan 2027 yilning yoziga qadar uzoq muddatli shartnoma imzolanadi.

Kalidu o'tgan mavsumda “Napoli” safida barcha musobaqalarda 37 ta o'yinda maydonga tushib, 3 ta gol urdi va 3 ta golli uzatmani amalga oshirdi.