"Manchester Yunayted" va "Barselona" kelishib olishgan, De Yong norozi

"Manchester Yunayted" va "Barselona" yarim himoyachi Frenki de Yongni 85 million evro evaziga transfer qilishga rozi bo'ldi, deb xabar bermoqda Mundo Deportivo Esporte3 telekanalining Onze dasturida jurnalist Oriol Domenekning so'zlariga tayanib.

Manbaning xabariga ko'ra, 25 yoshli niderlandiyalik Erik ten Xag bilan ishlash istagiga qaramay, ingliz klubiga o'tishni istamayapti.

Qayd etilishicha, klublar yarim himoyachini ko'ndirishga umid qilishmoqda.

De Yong o'tgan mavsumda kataloniyaliklar safida barcha turnirlarda 45 o'yinda 4 ta gol urdi va 5 ta golli uzatmani amalga oshirdi. Uning klub bilan shartnomasi 2026 yilning 30 iyuniga qadar mo'ljallangan.