"Inter"ning ikki futbolchisi raqamini o'zgartirdi

“Inter” futbolchilari Robin Gosens va Xoakin Korrea o'z raqamlarini o'zgartirdi, deb xabar beradi klub rasmiy sayti.

2022/23 yilgi mavsumdan boshlab Gosens "neradzurrilar"da 8-raqam ostida, Korrea esa 11-raqam ostida o'ynaydi.

O'tgan mavsumda Gosens “Inter” safida 18-raqamni, Korrea esa 19-raqamni kiygan edi.

“Inter” A Seriyaning 2022/23 yilgi dastlabki o'yinini 13 avgust kuni mehmonda “Lechche”ga qarshi o'tkazadi.