Aspilikueta "Chelsi" rahbariyatidan o'zining "Barselona"ga transferini so'ragan

Jurnalist Nizar Kinsellaning so'zlariga ko'ra, "Chelsi" sardori Sezar Aspilikueta rahbariyatga jamoani tark etib, "Barselona"ga o'tishni istayotganini aytdi.

Biroq "ko'klar" bosh murabbiyi Tomas Tuxel hozircha himoyachini Kataloniya klubiga qo'yib yuborishdan bosh tortdi. Murabbiy birinchi navbatda "Chelsi"da birdaniga uchta yangi himoyachi bilan shartnoma imzolashni istaydi, shundan so'ng Aspilikuetani Ispaniyaga qaytib, "Barselona"ga o'tishga ruxsat beriladi.

Avvalroq, "Chelsi" Aspilikueta uchun tovon puli sifatida 8 million evro talab qilgani ma'lum bo'lgandi. "Barselona" shartnomasi tugashiga bir yil qolgan futbolchi uchun bunday pul to'lashga tayyor emasligini ma'lum qildi.

32 yoshli ispaniyalik o'tgan mavsumda London klubi safida 47 ta o'yinda maydonga tushib, 3 ta gol urdi va 3 ta golga assistentlik qildi.