"Bavariya" futbolchisi: "Klub va Levandovski foydali echim topadi deb umid qilaman"

"Bavariya" yarim himoyachisi Leon Goretska o'z klubi bilan bog'liq yozda eng ko'p muhokama qilingan mavzular haqida gapirdi.

"Oxirgi marta mendan Levandovski haqida so'rashganida, javobim sarlavhalarga aylandi. Faqat shuni aytishim mumkinki, agar "Bavariya" va Robert har ikki tomonga mos keladigan eng yaxshi echimni topsa, xursand bo'laman”, - dedi germaniyalik futbolchi Sport Bild nashriga bergan intervyusida.

Goretska ham Sadio Manening kelishi haqidagi fikrlari bilan o'rtoqlashdi: "Bu transferdan juda mamnun bo'ldim. Rahbariyat tarkibni kuchaytirish uchun astoydil harakat qilmoqda va Sadioda biz juda qimmatli aktivni qo'lga kiritdik. Men u bilan o'ynashni intiqlik bilan kutaman", - dedi 27 yoshli germaniyalik yarim himoyachi.