Rasman! Runi sobiq jamoasida ish boshladi

Angliya terma jamoasining sobiq sardori Ueyn Runi "Di Si Yunayted"ga yangi bosh murabbiy etib tayinlandi, deb xabar beradi klub sayti.

Runi ish vizasini olgach, klubga qo'shiladi va bosh murabbiy vazifasini bajaradi. Uning murabbiylar shtabi keyinroq e'lon qilinadi.

Ayni damda ushbu klub Shimoliy Amerika oliy ligasi Sharqiy konferensiyasi jadvalida 13-o'rinda bormoqda.

Ueyn Runi 24 iyun kuni "Derbi Kaunti" bosh murabbiyi lavozimini tark etdi.

Eslatib o'tamiz, Runi futbolchilik faoliyati yakunida "Di Si Yunayted"da o'ynagan.