Sterling AQShga yo'l oladi

"Manchester Siti" hujumchisi Raxim Sterling "Chelsi"ga o'tadi. Jurnalist Fabritsio Romanoning so'zlariga ko'ra, klublar barcha kerakli hujjatlarni rasmiylashtirib bo'lgan.

Futbolchining o'zi Londonda tibbiy ko'rikdan muvaffaqiyatli o'tdi. Endi u AQShga yo'l oladi. U erda "Chelsi"da mavsumoldi turnesini o'tkazmoqda, shundan so'ng transfer rasman e'lon qilinadi.

Sterlingning "ko'klar" bilan shartnomasi 2027 yilgacha mo'ljallangan, uni yana bir mavsumga uzaytirish mumkin.

Avvalroq, "Chelsi" futbolchi uchun 45 million funt to'lashi, transfer summasi bonuslarni hisobga olgan holda 55 million funtga ko'tarilishi mumkinligi haqida xabar berilgandi.

Sterling o'tgan mavsumda "Manchester Siti" safida barcha turnirlar doirasida 47 ta o'yinda maydonga tushib, 17 ta gol urdi va 9 ta golga assistentlik qildi.