"Uotford" "Barselona" hujumchisi bilan shartnoma imzoladi

"Barselona" hujumchisi Rey Manay "Uotford"ga o'tdi.

Ushbu transferni Kataloniya klubi rasmiy sayti e'lon qildi, bitim tafsilotlari oshkor qilinmadi.

25 yoshli forvard o'tgan mavsumni "Spetsiya"da ijara asosida o'tkazdi. U Italiya chempionatining 30 ta uchrashuvida qatnashib, 5 ta gol urishga erishdi.

Transfermarkt portali Rey Manayning narxini bir yarim million evroga baholamoqda. Manbaga ko'ra, futbolchining "Uotford" bilan shartnomasi 2025 yilning iyun oyi oxirigacha tuzilgan.