“Vest Xem” Raysdan “jentlmenlarcha” harakat qilishini kutmoqda

"Vest Xem" yarim himoyachisi Deklan Rays "Chelsi"ning qiziqishiga qaramay, yana bir mavsum klubda qolishi mumkin.

talkSport xabariga ko'ra, futbolchi va klub o'rtasida "jentlmenlik kelishuvi" bor, unga ko'ra futbolchi yana bir mavsumni "Vest Xem"da o'tkazadi.

Avvalroq, yarim himoyachiga "Chelsi" faol qiziqish bildirayotgani haqida ma'lumotlar paydo bo'lgandi. "Vest Xem" Rays va'dasini bajarishiga umid qilmoqda, garchi rasman uni hech narsaga majburlamasa ham.

Futbolchi o'tgan mavsumda APLda 36 ta o'yinda maydonga tushib, 1 ta gol urdi va 4 ta golga assistentlik qildi.