"Tottenxem"ning Seuldagi mashg'ulotida Son hushidan ketdi, Keynning ko'ngli behuzur bo'ldi

"Tottenxem"ning ayrim futbolchilari Janubiy Koreyadagi mashg'ulotlar vaqtida kasal bo'lib qolishdi. Bu haqda Marca xabar bermoqda.

Manbaga ko'ra, londonliklar Seuldagi stadionda +30 daraja issiqda mashg'ulot o'tkazishgan. Klub bosh murabbiyi Antonio Konte o'z futbolchilariga 42 marta maydon bo'ylab yugurishni buyurgan.

Qayd etilishicha, mashg'ulot vaqtida hujumchi Son Xyon Min hushini yo'qotgan, hujumchi Xarri Keynning esa ko'ngli behuzur bo'lgan.

Eslatib o'tamiz, jamoa Janubiy Koreyadagi mavsumoldi turneda ishtirok etmoqda.