Nani Avstraliya klubi bilan shartnoma imzoladi

“Melburn Viktori” klubi portugaliyalik hujumchi Nani bilan shartnoma imzoladi.

35 yoshli futbolchi bilan shartnoma muddatiga aniqlik kiritilmagan. Yaqin kunlarda u mavsumoldi tayyorgarlikni davom ettirayotgan jamoa safiga qo'shiladi.

“Men “Melburn”da o'ynashni intiqlik bilan kutyapman, bu chaqiruv menga qiziq. Eshitishimga ko'ra, bu jamoa liganing eng yaxshisi va muxlislar tribunadagi muhitni Evropadagidan yomonroq qilishmaydi", - deya Nani so'zlarini keltiradi "Melbrun" rasmiy sayti.

Nani tekinga Avstraliya klubiga ko'chib o'tdi. O'tgan mavsumning ikkinchi yarmida u "Venetsiya"da o'ynadi va jamoa safida 10ta o'yinda 1ta golli uzatmani amalga oshirdi. Mavsum yakunida portugaliyalik Italiya klubini tark etdi.