London klubi 21 million evrolik transferni rasmiylashtirdi (foto)

"Kristal Pelas" matbuot xizmati "Lans"ning malilik yarim himoyachisi Sheyk Dukurening transferini rasmiy saytida e'lon qildi.

Transfer summasi 21 million evroni tashkil qildi. Futbolchi ingliz klubi bilan 2027 yilning yoziga qadar shartnoma imzolagan.

22 yoshli Dukure frantsuz klubida 2018 yildan buyon faoliyat olib borayotgan edi. Umuman olganda, u klub uchun barcha musobaqalarda 130 ta o'yin o'tkazib, 8 ta gol urdi va 7 ta golli uzatmani amalga oshirdi. U Mali terma jamoasida sakkizta o'yin o'tkazgan.