"Liverpul" Jotaga yangi shartnoma taklif qiladi

"Liverpul" klubi hujumchi Diogo Jotaga yangi shartnoma taklif qiladi, deb xabar beradi Liverpool Echo. Klub futbolchini moliyaviy sharoitlari yaxshilangan yangi shartnomaga loyiq deb hisoblamoqda.

25 yoshli portugaliyalik o'tgan mavsumda barcha turnirlarda 55 o'yinda maydonga tushib, 21 gol va 8 golga assistentlik qilgan.

Uning "qizillar" bilan amaldagi shartnomasi 2025 yilning iyunigacha mo'ljallangan.

Oldinroq "Liverpul" himoyachisi Neko Uilyamsni "Nottingem Forest"ga sotib yuborgani haqida xabar berilgandi.