Depay bilan uch top klub shartnoma imzolamoqchi

"Barselona" hujumchisi Memfis Depay yozda jamoani tark etishi mumkin. "Tottenxem", "Inter" va "Yuventus" futbolchiga da'vogarlik qilmoqda, deb xabar beradi AS.

Oldinroq “Barselona” Depay bilan 25 million evro evaziga xayrlashishga tayyorligi haqida xabar berilgandi.

Depay o'tgan mavsumda La Ligada 27 ta o'yinda maydonga tushib, 12 ta gol urdi va 2 ta golga assistentlik qildi.

Uning "Barselona" bilan shartnomasi 2023 yilning yoziga qadar mo'ljallangan. Eslatib o'tamiz, Memfis Kataloniya klubiga 2020 yilning yozida erkin agent sifatida o'tgan edi.