Di Mariya "Yuventus"ga transferi haqida gapirdi

"Yuventus"ning yangi futbolchisi Anxel Di Mariya "PSJ"ni tark etganidan so'ng nima uchun Turin klubi bilan shartnoma imzolashga qaror qilganini tushuntirdi.

"Agar "Yuventus"dek jiddiy jamoa sizni xohlasa, yo'q deyish deyarli mumkin emas. Ular sabr bilan shartnomam tugashini kutishdi.

Men “Yuve”ni tanladim, chunki ular Italiyaning eng muhim klubi va ularda ko'plab sovrinlar yutish uchun hamma narsa bor. Bu kuchli jamoa ekanligini bilaman va men uning bir qismi bo'lishni xohlayman. Agar ular men bilan shartnoma imzolashni xohlasalar, demak, ular meni munosib deb bilishadi”, - dedi Di Mariya klub matbuot xizmatiga.