"Milan" yarim himoyachisini vataniga qaytarib yuboradi

"Milan" yarim himoyachisi Samu Kastilexo tez orada "Valensiya"ga o'tadi, deya xabar berdi insayder Fabritsio Romano.

Futbolchining transferini “ko'rshapalaklar”ning yangi bosh murabbiyi, avvalroq “Milan”da o'ynagan va jamoani boshqargan Jennaro Gattuzo talab qilmoqda.

Kastilexo "Valensiya" bilan 2026 yilgacha mo'ljallangan shaxsiy shartnoma shartlarini kelishib oldi.

"Milan" Kastilexoni 2018 yilning yozida "Vilyarreal"dan 21,3 million evro evaziga sotib olgandi. Qayd etilishicha, endi klub futbolchini soliqlarsiz yiliga 6 million evro bo'lgan maoshini tejash maqsadida uni tekinga qo'yib yuborishga tayyor.

Ispaniyalik futbolchi “rossonerilar” safida 113 ta o'yinda maydonga tushib, 10 ta gol urgan va 11 ta golli uzatmani amalga oshirgan.