"Barselona" prezidenti: Bizga gol ura olmaydigan futbolchini sotib yuborishdi

"Barselona" prezidenti Joan Laporta hujumchi Ferran Torresni tanqid qildi.

Laportaning so'zlarini jurnalist Joan Fontes etkazdi. So'zlarning bu qismi klub prezidentining yaqinda bergan intervyusidan kesilgan.

Menga Pep Gvardiola va Chiki Begiristayn yoqadi, lekin o'sha badbaxtlar bizga gol ura olmaydigan Ferran Torresni sotib yuborishdi.

Yarim himoyachi 2022 yilning yanvarida "Manchester Siti"dan "Barselona"ga o'tgan edi.

Torres o'tgan mavsumda kataloniyaliklar safida 25 o'yinda 6 ta gol urdi va 6 ta golli uzatmani amalga oshirdi. Uning klub bilan shartnomasi 2027 yilning 30 iyuniga qadar amal qiladi.