"Barselona" Rafinya uchun "Lids"ga bonuslar bilan birga 72 million evro to'laydi

“Barselona” “Lids” yarim himoyachisi Rafinya Dias uchun bonuslar bilan birga 72 million evro to'lashga tayyor, deya xabar bermoqda jurnalist Fabritsio Romano.

Manbaga ko'ra, "Lids" Kataloniya klubining taklifini rasmiy bo'lishi bilanoq qabul qiladi.

Qayd etilishicha, 25 yoshli braziliyalik uchun "Barselona" uning faoliyatidagi eng katta orzusidir.

Rafinya o'tgan mavsumda "Lids" safida barcha musobaqalarda 35 o'yinda 11 ta gol urdi va 3 ta golli uzatmani amalga oshirdi. Yarim himoyachining ingliz klubi bilan shartnomasi 2024 yilning 30 iyuniga qadar mo'ljallangan.