Dani Alves AQSh klubi bilan shartnoma imzolashga yaqin turibdi

Braziliyalik himoyachi, tarixdagi eng titulli futbolchi Dani Alves MLS klubiga o'tishi mumkin. Bu haqda Marca xabar bermoqda.

Qayd etilishicha, "Sietl Sanders" 39 yoshli himoyachiga da'vogarlik qilmoqda. Braziliya terma jamoasi bosh murabbiyi Tite futbolchiga Qatarda bo'lib o'tadigan jahon chempionatiga borish uchun Amerika jamoasiga qo'shilishni tavsiya qildi.

Shuningdek, shu yozda “Barselona” bilan shartnomasini yakunlagan Alvesh faoliyatini La Ligada davom ettirishi mumkin. Uning xizmatlariga Ispaniya chempionatining boshqa klublari ham qiziqish bildirmoqda.