Rafinya "Barselona" bilan besh yillik shartnoma borasida kelishib oldi

"Lids" hujumchisi Rafinya "Barselona"ga o'tishga har qachongidan ham yaqinroq.

Jurnalist Nikolo Skiraning tvitterda yozishicha, 25 yoshli braziliyalik allaqachon kataloniyaliklar bilan 2027 yilgacha mo'ljallangan shartnomaga kelishib olgan. Rafinyaning maoshi mavsumda 6 million evroni tashkil qilgan. "Lids" bu transfer uchun "Barselona"dan taxminan 55 million evro oladi.

Avvalroq, Rafinya Kataloniya klubiga kelishuvni yakunlash uchun 2 kun muhlat bergani, shundan so'ng u bor e'tiborini "Chelsi"ga qaratishga va'da bergani xabar qilingandi.

2021/22 yilgi mavsumda Rafinya “Lids” safida Premer-ligada 35 ta o'yinda maydonga tushib, 11 ta gol urdi va 3 ta golli uzatmani amalga oshirdi.