"Milan" "Chelsi" bilan kelisha olmayapti

"Chelsi" qanot hujumchisi Xakim Ziesh faoliyatini "Milan"da davom ettirishi mumkin, deb xabar beradi Tuttosport.

Italiya klubi yarim himoyachini ijaraga olmoqchi, biroq futbolchining maoshini to'liq to'lashga tayyor emas. Hozirda Ziesh "Chelsi"da mavsumiga 6 million evro oladi, milanliklar 4 million to'lashga tayyor.

Avvalroq, milanliklar ijara uchun 5 million evro to'lashga tayyor ekani xabar qilingandi.

2021/22 yilgi mavsumda qanot hujumchisi barcha musobaqalarda 44 ta o'yinda 8 ta gol urdi va 6 ta golli uzatmani amalga oshirdi.