"Manchester Yunayted" Ronalduni tezroq jamoada ko'rmoqchi

"Manchester Yunayted"ning portugaliyalik hujumchisi Krishtianu Ronaldu o'z jamoasi bilan yig'inga uchmadi. Biroq klub 37 yoshli portugaliyalik tez orada jamoaga qo'shilishidan umid qilmoqda, deb xabar beradi Sky Sports.

Ronaldu yaqinda agentidan unga yangi klub topishni so'radi, Krishtianu bu yozgi transfer oynasida "Manchester Yunayted"ni tark etmoqchi. Ayni paytda klub futbolchini o'zida saqlab qolishga harakat qilmoqda.

Oldinroq Ronaldu oilaviy muammolar tufayli "Manchester Yunayted"ning Tailand va Avstraliyadagi mavsumoldi turnesini o'tkazib yuborishi xabar qilingandi.

O'tgan mavsumda portugaliyalik futbolchi "Manchester Yunayted" safida barcha musobaqalarda 39 ta o'yinda maydonga tushib, 24 ta gol urdi va 3 ta golli uzatmani amalga oshirdi. Hujumchining klub bilan shartnomasi 2023 yilning 30 iyuniga qadar mo'ljallangan.