"Bunyodkor" tayyorgarlikni boshladi. Tarkibda o'zgarishlar bormi?

“Bunyodkor” mavsumning ikkinchi qismiga tayyorgarlikni boshladi.

Viktor Karpenko ustozligidagi “qaldirg'ochlar” 8 iyul kuni “Bunyodkor” o'quv-mashg'ulot bazasida yig'ildi.

Futbolchilar shu kuni shifokorlar ko'rigidan o'tishdi. Tushdan so'ng mashg'ulotlar boshlandi. Tarkibda yo'qotishlar va yangi o'yinchilar yo'q.

Mashg'ulotlar 12 iyuldan Belarus poytaxti Minsk shahrida davom ettiriladi. 26 iyulga qadar davom etadigan xorij yig'inida 4 ta nazorat o'yini o'tkazilishi rejalashtirilgan.