Ziesh maoshining kamayishiga rozi bo'ladimi?

"Chelsi" yarim himoyachisi Hakim Ziesh faoliyatini "Milan"da davom ettirishi mumkin, deb xabar beradi Tuttosport.

Italiya klubi yarim himoyachini ijaraga olmoqchi, biroq futbolchining maoshini to'liq to'lashga tayyor emas. Hozirda Ziesh "Chelsi"da mavsumiga 6 million evro oladi, milanliklar atigi 4 million to'lashga tayyor.

Avvalroq, milanliklar ijara uchun 5 million evro to'lashga tayyor ekani xabar qilingandi.

2021/22 yilgi mavsumda yarim himoyachi barcha musobaqalarda 44 ta o'yinda 8 ta gol urdi va 6 ta golli uzatmani amalga oshirdi.