"Brentford" rad javobini oldi

"Brentford" "Volfsburg" hujumchisi Omar Marmushga qiziqish bildirmoqda, deya xabar beradi Sky Sports.

Manbaga ko'ra, nemis klubi ingliz jamoasining birinchi taklifini allaqachon rad etgan, biroq muzokaralar davom etishi mumkin.

Qayd etilishicha, "Volfsburg" Marmush uchun taxminan 10 million evro olmoqchi. 23 yoshli misrlik futbolchining klub bilan shartnomasi 2023 yilning iyun oyi oxirigacha amal qiladi.

2021/22 yilgi mavsumda Marmush "Shtutgart"da ijara asosida o'ynadi, u jamoa safida 23 o'yinda 3 gol va 5 golga assistentlik qildi.