"Fiorentina" Gollinini "Atalanta"dan 500 ming evroga ijaraga oldi

Darvozabon Perluiji Gollini "Atalanta"ni tark etib, "Fiorentina"ga o'tdi.

2010-2012 yillarda "binafsharanglilar" akademiyasida tahsil olgan futbolchi ular tomonidan bir mavsumga ijaraga olingan.

Avval xabar qilinganidek, transfer “Fiorentina”ga 500 ming evroga tushdi. Shuningdek, klub Gollinini 8 million evroga sotib olish huquqiga ega.

Italiyalik futbolchi o'tgan mavsumni "Tottenxem"da o'tkazdi va Premer-ligada birorta o'yinda ham maydonga tushmadi.