Tuxel Ronalduni sotib olishga qarshi. "Chelsi" bosh murabbiyi Sulsherning holati takrorlanishidan qo'rqadi

"Chelsi" bosh murabbiyi Tomas Tuxel Krishtianu Ronalduni sotib olishdan bosh tortdi.

Daily Mail xabariga ko'ra, germaniyalik murabbiy hujum chizig'ida "Liverpul" futbolchisi Roberto Firmino uslubida "yolg'on to'qqizlik" rolida Raxim Sterling, Rafinya Dias va Kay Xavertsni o'ynashini istamoqda.

"Manchester Yunayted" hujumchisi bilan shartnoma imzolanishi o'yin muvozanatiga sezilarli ta'sir ko'rsatadi.

Xuddi shunday holat o'tgan mavsumda ham sodir bo'lgan edi: o'sha paytdagi "Manchester Yunayted" bosh murabbiyi Ole-Gunnar Sulsher hujumda Jeydon Sancho, Meyson Grinvud va Markus Reshforddan foydalanishini kutgandi, ammo yozgi transfer oynasi oxirida Ronalduning "Yuventus"dan transferi tufayli, rejalarni o'zgartirishga to'g'ri keldi. Kuzda norvegiyalik qoniqarsiz natijalar tufayli ishdan bo'shatildi.

Avvalroq, 37 yoshli portugaliyalikning transferiga "Chelsi" xo'jayini Todd Boeli qiziqish bildirishi mumkinligi xabar qilingandi.