O'tgan mavsumni "Roma"da o'tkazgan futbolchi turk klubiga o'tdi

"Portu" yarim himoyachisi Serxiu Oliveyra "Galatasaroy" bilan shartnoma imzoladi, deb xabar beradi klub rasmiy sayti.

30 yoshli portugaliyalik bilan kelishuv 2026 yilning yoziga qadar mo'ljallangan. Transfermarkt portali transferni 3 million evroga baholamoqda.

Oliveyra o'tgan mavsum yanvar oyidan beri "Roma"da ijara asosida o'ynayotgan edi. Rim klubi safida 22 ta o'yinda maydonga tushib, 3 ta gol urdi va golli uzatmani amalga oshirdi. Oliveyra “Portu” safida 24 ta o'yinda 5 ta gol urdi va 1 ta golli uzatmani amalga oshirdi.