O'FA o'quv-kurslarining 2-moduli start oldi

O'zbekiston futbol assotsiatsiyasi tomonidan yurtimizda faoliyat olib borayotgan murabbiylarga ta'lim berish bilan birga ularning bilimlarini muntazam ravishda yangilab borish yo'lida ham ko'plab chora-tadbirlar amalga oshirilmoqda.   Jumladan, shu yilning mart oyida murabbiylar uchun bilimlarni yangilash bo'yicha O'FAning birinchi modul o'quv-kurslari bo'lib o'tgandi. Bugun 29 aprel kuni mazkur kurslarning ikkinchi moduli boshlandi. Unda 25 nafar murabbiy ishtirok etyapti. O'quv kurslarini Dmitriy Kim olib bormoqda, Davron Qudratullaev esa koordinator sifatida faoliyat yurityapti.

Ikkinchi modul davomida murabbiylar amaliy va nazariy imtihonlar topshirishadi. Imtihonlardan muvaffaqiyatl o'tgan murabbiylar uch yil davomida murabbiylik faoliyati bilan shug'ullanishlari mumkin bo'ladi.