Portugaliyalik futbolchi Turkiyaga yo'l oldi

Markaziy yarim himoyachi Serxio Oliveyra "Galatasaroy"ga o'tdi.

Turkiya klubi portugaliyalikning transferini rasman tasdiqladi. Shartnoma to'rt yilga mo'ljallangan. 30 yoshli futbolchining transferi “Galatasaroy”ga 3 million evroga tushdi.

Serxio Oliveyra avvalroq “Portu”ga tegishli edi. Yarim himoyachi o'tgan mavsumning ikkinchi yarmini Italiyaning "Roma"sida o'tkazdi va u Konferentsiyalar ligasida g'alaba qozonishga yordam berdi.

Oliveyra Portugaliya terma jamoasi safida 13 ta o'yinda maydonga tushdi, shu jumladan o'tgan yozda Evro-2020da ikkita o'yin o'tkazdi.