"Napoli" Kulibalini jamoada saqlab qolishga harakat qilib ko'radi

"Napoli" sport direktori Kristiano Djuntoli himoyachi Kalidu Kulibali atrofidagi vaziyat haqida fikr bildirdi.

“Kulibali biz uchun asosiy futbolchi. Bizda unga hech qaysi klubdan taklif yo'q. Biz unga yiliga olti million evro evaziga yangi shartnoma taklif qildik.

Bu juda katta taklif, jami 60 million evro - Kulibali bunga loyiq", - deydi Djuntoli.

Avvalroq, himoyachiga "Barselona", "Chelsi" va "Yuventus" klublari qiziqayotgani haqida xabarlar tarqalgan edi.

Uning shartnomasi 2023 yilda yakuniga etadi. Transfermarkt 31 yoshli senegallik futbolchini 35 million evroga baholamoqda.