Yosh karatechilarimiz Osiyo chempionatida muvaffaqiyatli ishtirok etishdi

26-28 aprel kunlari Malayziyaning Kota-Kinabalu shahrida karate bo'yicha o'smirlar va yoshlar o'rtasida Osiyo chempionati bo'lib o'tdi.

Mazkur musobaqada ishtirok etgan etgan terma jamoamiz vakillari ham muvaffaqiyatli qatnashdilar.

Jamoamizning dastlabki medalini kumite yo'nalishida Bonu Egamberdieva qo'lga kiritgani haqida ma'lum qilgan edik. Shundan so'ng yana 3 nafar karatechilarimiz shohsupaga ko'tarilishdi.

-60 kilogramm vazn toifasida jang olib borgan Bekzod Tuyg'unov hal qiluvchi bellashuvda Qozog'iston terma jamoasi vakiliga imkoniyatni boy berib qo'ydi. Shuningdek, Asilbek Madaminov hamda Firdavs Ahmadjonov musobaqaning bronza medallariga sazovor bo'lishdi.