"Lion"ga qaytgan Tolisso jarohat oldi

"Lion" 8 iyul, juma kuni o'zining ijtimoiy tarmoqlardagi sahifalarida yarim himoyachi Korentin Tolisso chap boldirining mushaklaridan jarohat olganini e'lon qildi.

Xabarda qayd etilganidek, futbolchi mavsumga o'zgartirilgan tayyorgarlik protokoli bo'yicha tayyorgarlikni davom ettiradi.

Eslatib o'tamiz, 1 iyul kuni 27 yoshli Tolisso "Bavariya"dagi 5 yillik faoliyatidan so'ng erkin agentga aylandi va "Lion" bilan shartnoma imzoladi.