Pogba "Yuventus"ga transferi haqida gapirdi

Yarim himoyachi Pol Pogba Turinga etib keldi, deb xabar beradi “Yuventus”ning Twitter sahifasi.

"Men "Yuventus" libosini yana kiyishni kuta olmayman", - dedi Pogba kelganida.

Xabar qilinishicha, 9 iyul kuni 29 yoshli fransiyalik Turin klubida tibbiy ko'rikdan o'tadi. Pogba 2012 yildan 2016 yilgacha "Yuventus"da o'ynagan, shundan so'ng 105 million evro evaziga "Manchester Yunayted"ga o'tgan.

Pogba 2021/22 yilgi mavsum oxirida “Manchester Yunayted”ni tark etdi. O'tgan mavsumda futbolchi “qizil iblislar” safida 26 ta o'yinda maydonga tushib, 1 ta gol urdi va 9 ta golli uzatmani amalga oshirdi.