«Darvoza ochiq, gol ur» – Angliyada noodatiy voqea yuz berdi (video)

Angliya chempionshipining 45-turidan o'rin olgan “Lids” hamda “Aston Villa” jamoalari o'rtasidagi o'yin (1:1) da juda ham noodatiy voqea yuz berdi.

Gap shundaki, o'yinning 72-daqiqasida “Aston Villa” klubi futbolchilaridan biriga qo'pollik ishlatildi va u maydonga yiqilishga majbur bo'ldi.

Hakam esa o'yinni to'xtatmaslikka qaror qildi, “Lids” futbolchilari bo'lsa, feyr-pley qoidalariga amal qilmay to'pni autga chiqarib yubormasdan, yana hujumni davom ettirib, natijada gol urishdi.

Gol urilgan vaziyatdan so'ng ikki jamoa futbolchilari o'rtasida katta janjal sodir bo'ldi. Hakam “Aston Villa” hujumchisi Anvar Al G'aziga qizil kartochka ko'rsatishga majbur bo'ldi.

Bunday g'alati hodisadan so'ng “Lids” murabbiyi Marselo Belsa futbolchilariga “Aston Villa” gol urib hisobni tenglashtirib olishi uchun qarshiliik ko'rsatmaslikka chaqirdi. Marselo Belsa haqiqat tarafdori ekanligini hammaga ko'rsatib qo'ydi. Ushbu o'yin 1:1 hisobi bilan yakuniga etdi.