Runiga okeanortidan taklif bor

"Derbi Kaunti"ning sobiq bosh murabbiyi Ueyn Runi MLS klubini boshqarishga yaqin turibdi, deb xabar beradi The Times.

Angliyalik murabbiy yana "Di-Si Yunayted"ni boshqarishi mumkin. Vashington klubi o'ziga yangi bosh murabbiy izlamoqda.

Ueyn Runi 24 iyun chorshanba kuni "Derbi Kaunti" bosh murabbiyligidan ketishini e'lon qildi. Runi professional murabbiylik litsenziyasini qo'lga kiritish uchun kursning yarmini bosib o'tgan.

36 yoshli ingliz yaqinda uzluksiz ta'limning bir qismi sifatida 20 yoshgacha bo'lgan Tulon turnirida ishtirok etdi.