"Manchester Yunayted" Ronaldu sababli uy libosi taqdimotini kechiktirdi (video)

“Manchester Yunayted” hujumchisi Krishtianu Ronaldu yaqinda klubning yangi uy libosi taqdimotida ishtirok etdi, deb xabar beradi Mirror.

Manbaga ko'ra, mankunianliklar o'ttiz soniyali taqdimot videosini tayyorlagan, unda Markus Reshford va boshqa futbolchilar qatorida Ronaldu ham ishtirok etgan.

Biroq, Ronalduning boshqa klubga ketishi ehtimoli tufayli videoning chiqarilishi kechiktirildi.

Eslatib o'tamiz, avvalroq Ronaldu “Manchester Yunayted”ni tark etishga yaqin ekani haqida xabar berilgandi. Yulduz futbolchining "Chelsi", "Bavariya", "Roma" va boshqa klublar bilan aloqasi borligi aytilmoqda.

Shuningdek, portugaliyalik futbolchi klubning bir nechta mashg'ulotlarini o'tkazib yuborgani va jamoa bilan mavsumoldi turga bormasligi ma'lum qilingandi.