Langle tibbiy ko'rikdan o'tdi

Kataloniyaning “Barselona” klubi himoyachisi Kleman Langle Londonning “Tottenxem” klubida tibbiy ko'rikdan o'tdi.

Bu haqda italiyalik jurnalist Fabritsio Romano o'zining ijtimoiy tarmoqlarida ma'lum qildi.

Kelishuv yaqin orada rasman e'lon qilinishi kutilmoqda. Eslatib o'tamiz, "shporlar" frantsiyalik futbolchini sotib olish huquqisiz ijaraga olishadi.

Langle "Tottenxem"ning ushbu transfer oynasida beshinchi xaridi bo'ladi. Avvalroq klub Bissuma, Risharlison, Forster va Perishichni sotib olgandi.