"Roma" ortiq portugaliyalik futbolchiga qiziqmaydi

"Roma" "Valensiya" hujumchisi Gonsalo Gedeshni sotib olish variantidan voz kechdi, deb xabar beradi Marca.

Klub ispanlar bilan murosaga kela olmagani sababli muzokaralarni to'xtatdi. "Valensiya" portugaliyalikning transferi uchun taxminan 40 million evro talab qilardi, "Roma" esa bu narxni juda yuqori deb hisobladi.

Endi rimliklar boshqa hujumchi topishga etibor qaratishadi.

"Valensiya" 25 yoshli futbolchini APLda sotishga harakat qiladi. Jamoa moliyaviy vaziyatni hal qilish uchun o'z futbolchilarini sotishdan mablag' yig'ishi kerak. Rahbariyat Karlos Soler va Xose Gayya bilan xayrlashgandan ko'ra, bitta Gedeshni qo'yib yuborish yaxshiroq deb hisoblamoqda.