"Manchester Yunayted" De Ligt vakillari bilan aloqaga chiqdi

"Manchester Yunayted" "Yuventus" himoyachisi Matteys de Ligt vakillari bilan aloqaga chiqdi, deb xabar beradi Bild.

Manbaga ko'ra, klub rahbariyati 22 yoshli futbolchini sotib olish bo'yicha kelishuvga erishmoqchi. "Manchester Yunayted" bosh murabbiyi, futbolchi bilan "Ayaks"da ishlagan Erik ten Xag de Ligtni jamoaga o'tishga ko'ndirmoqchi.

Oldinroq niderlandiyalik futbolchi "Bavariya"ga o'tishga rozi bo'lgani haqida xabar berilgandi. Shu bilan birga, "Yuventus" De Ligtni 80 million evroga baholamoqda.

O'tgan mavsumda himoyachi turinliklar safida 42 ta o'yinda maydonga tushib, 3 ta gol urdi va bitta golli uzatmani amalga oshirdi. Uning klub bilan shartnomasi 2024 yilning 30 iyuniga qadar mo'ljallangan.