Fonte: "Ronaldu "Real"ga qaytishi kerak"

"Lill" himoyachisi Xose Fonte vatandoshi Krishtianu Ronalduning "Manchester Yunayted"ni tark etishi mumkinligi haqida fikr bildirdi. Uning fikricha, 37 yoshli to'purar "Real"ga qaytishi kerak.

“Krishtianu Chempionlar ligasida o'ynashni yaxshi ko'radi. Bu Ronalduning sevimli turniri. Chempionlar ligasisiz u "Oltin to'p" uchun kurasha olmaydi.

Menimcha, Krishtianu “Real”ga qaytishi kerak. Bu eng yaxshi variant bo'ladi. Gap shundaki, bu Madrid klubiga kerakmi yoki yo'q", - deya Fontening so'zlaridan iqtibos keltirmoqda Goal.com portali.

Yaqinda Ronaldu yozda klubni o'zgartirish niyatida ekanligini ma'lum qildi. Portugaliyalik futbolchiga da'vogarlar orasida "Bavariya", "Roma" va "Chelsi" ham bor.