"Manchester Yunayted" katta transfer ostonasida turibdi

Erik ten Xag "Manchester Yunayted"da "Ayaks"da birga ishlagan ba'zi futbolchilar bilan shartnoma imzolamoqchi.

"Mankunianliklar" nafaqat yarim himoyachi Frenki de Yongga, balki himoyachi Lisandro Martines va vinger Antoniga ham qiziqish bildirmoqda.

Daily Record xabariga ko'ra, "Ayaks" Martines va Antonini shu yozda sotishi mumkin. Shu bilan birga, Amsterdam klubi imkon qadar ko'proq daromad olishni istab, muzokaralar jarayonida qattiq pozitsiyani egallaydi.

Manbaga ko'ra, jamoa bu ikki futbolchining transferi uchun "Manchester Yunayted"dan 125 million evro talab qilmoqda.