Yovich yangi klubi bilan qay tartibda shartnoma imzolaydi?

Madridning “Real” klubi hujumchisi Luka Yovich “Fiorentina”ga o'tishga yaqin turibdi, deya xabar bermoqda jurnalist Fabritsio Romano.

Manbaga ko'ra, 24 yoshli serb ertaga Florentsiyaga uchib, yangi klubi bilan 2024 yilning iyun oyi oxirigacha shartnoma imzolaydi.

Futbolchi "Fiorentina"ga tekinga o'tadi, ammo "Real Madrid" futbolchiga bo'lgan huquqlarning 50 foizini o'zida saqlab qoladi.

2021/22 yilgi mavsumda Yovich “Real” safida 19 ta o'yinda maydonga tushib, 1 ta gol urdi va 3 ta golli uzatmani amalga oshirdi. Transfermarkt portali hujumchining narxini 16 million evroga baholamoqda.