"Real" Ramosni qaytarishga urinmaydi

"PSJ"da murabbiylar shtabi o'zgarib, klub tarkibni yangilash yo'lini tanlaganidan so'ng, himoyachi Serxio Ramos "Real"ga qaytishi mumkinligi haqida ma'lumotlar paydo bo'la boshladi.

Biroq, ispan nashrlarining yozishicha, madridliklar 36 yoshli faxriy himoyachini qaytarishdan manfaatdor emas. Madridning "Real" klubi joriy mavsumda Antonio Ryudiger bilan shartnoma imzoladi va "PSJ" himoyachisi uchun o'z tarkibida o'rin yo'q.

Boshqa tomondan, parijliklar klubining yangi murabbiylar shtabi hali ispaniyalik himoyachining kelajagi haqida hech qanday bayonot bermadi.

Ramos "Real"da 16 yil o'tkazdi. Madrid klubi uchun 671 ta o'yinda u 101 ta gol urgan va 40 ta golga assistentlik qilgan.