Chemberlen Salohning "Liverpul"da qolganidan xursandligini bildirdi

"Liverpul" yarim himoyachisi Aleks-Oksleyd Chemberlen Muhammad Salohning klub bilan shartnomasini uzaytirish borasidagi fikrlari bilan o'rtoqlashdi.

“Bu haqiqatan ham yaxshi yangilik. U bizni biroz kutishga majbur qildi, shunday emasmi? Men undan xursandman, uning qanday yigit ekanligini bilaman. U bu erda juda qulay va u klubda qolganidan xursand.

Muhammaddek futbolchi faoliyatini shu erda davom ettirishga qaror qilgani klub uchun ajoyib yangilik.U ko'p yillar davomida bu jamoaning qanday muhim a'zosi bo'lganini hammamiz bilamiz va o'ylaymanki, u bundan keyin ham shunday bo'lib qolishini hamma tushunadi", - deydi Chemberlen "Liverpul" rasmiy saytiga bergan intervyusida.