Rasman! "Betis" o'zining faxriy futbolchisi bilan shartnomani uzaytirdi

Ispaniyaning “Betis” klubi sardori Xoakin Sanches jamoada yana bir mavsum qoladi. 40 yoshli faxriy o'zining sevimli klubi bilan rasman yangi shartnoma imzoladi va u kelasi yozgacha amal qiladi.

Eslatib o'tamiz, Xoakin "Betis" tarbiyalanuvchisi hisoblanadi. 2004/05 yilgi mavsumda futbolchi uzoq vaqtdan beri ilk bor jamoasiga Chempionlar ligasiga yo'llanma olishiga yordam berdi va so'nggi mavsumda futbolchi klub bilan Ispaniya kubogini qo'lga kiritib, finalda "Real Sosedad"ni mag'lub etdi.

Sanches faoliyati davomida "Valensiya", "Fiorentina", "Malaga" kabi klublarda ham o'ynagan.

O'tgan mavsumda futbolchi Ispaniya chempionatining 21 o'yinida 1 ta golli uzatmani amalga oshirgan.