Ronaldu Chempionlar ligasida ishtirok etish uchun kamroq maoshga ham rozi

«Manchester Yunayted» hujumchisi Krishtianu Ronaldu yozda boshqa jamoaga o'tishga jiddiy bel bog'lagan. U Evropa chempionlar ligasida ishtirok etadigan klubda to'p tepishni istamoqda.

Portugaliyalik futbolchi buning uchun maoshining kamayishiga ham rozi bo'lib turibdi. Xususan, u «PSJ», «Bavariya» yoki «Chelsi»ga o'tishga ham qarshi emas.

Ronaldu mavsum-2021/2022da barcha musobaqalar doirasida "MYu" safida 38ta o'yinda ishtirok etib, 24 gol va 3 assist muallifiga aylandi. Uning mankunianliklar bilan shartnomasi kelasi yilning yozida yakuniga etadi.