"Roma" yangi futbolchisi: "Bunday klubda o'ynash men uchun sharaf"

"Roma"ning yangi a'zosi Zeki Chelik Italiya klubiga o'tishi haqida fikr bildirdi. Ilgari u "Lill"da o'ynagan.

“Bunday buyuk klubda o'ynash men uchun sharafdir. Mening katta ambitsiyam bor va bu jamoaga muvaffaqiyat qozonishda yordam bermoqchiman. Men bu qiyinchilikka tayyorman - men hech qachon taslim bo'lmayman va maydonda qanday kurashishimni doim ko'rasiz”, - deya futbolchining so'zlaridan iqtibos keltirgan rimliklar sayti.

Turk futbolchi 2018 yilning iyulidan buyon "Lill" safida to'p tepayotgan edi. O'tgan mavsumda u frantsuz klubi safida 40 ta o'yinda maydonga tushib, 3 ta gol urdi va 3 ta golli uzatmani amalga oshirdi.