"Napoli" "Bavariya"ni shokka tushurib qo'ydi

Myunxenning "Bavariya" klubi "Napoli"ning nigeriyalik hujumchisi Viktor Osimxenga qiziqish bildirmoqda, deb xabar beradi Correira Dello Sport.

Manbaning xabariga ko'ra, klublar rahbarlari nigeriyalikning ehtimoliy transferini muhokama qilishgan. Italiya klubi futbolchini 110 million evroga baholamoqda. "Bavariya" uchun Osimxen "Barselona"ga o'tmoqchi bo'lgan polshalik hujumchi Robert Levandovskining o'rnini egallashi mumkin.

23 yoshli Osimxen o'tgan mavsumda "Napoli" safida barcha turnirlarda 32 o'yinda maydonga tushib, 18 gol urdi va 6 golga assistentlik qildi. Uning klub bilan shartnomasi 2025 yilning yoziga qadar mo'ljallangan.