APL klubi "Bavariya"ga kerak bo'lmayotgan futbolchiga taklif bilan chiqmoqchi

"Nottingem Forest" "Bavariya"ning angliyalik himoyachisi Omar Richardsga qiziqish bildirmoqda, deya xabar berdi Sky Sports jurnalisti Florian Plattenberg.

Manbaning xabariga ko'ra, ingliz klubi yozgi transfer oynasida futbolchini sotib olmoqchi. Myunxenliklar himoyachini sotishga tayyor, ammo uning uchun 10-12 million evro olishni istashmoqda.

24 yoshli Richards o'tgan mavsumda "Bavariya" safida barcha turnirlar doirasida 17 ta o'yinda maydonga tushdi va bitta gol va bitta golli uzatmani amalga oshirdi. Uning klub bilan shartnomasi 2025 yilning yoziga qadar mo'ljallangan.